ജലവും മേഘവും ഒന്ന് :
അതുകൊണ്ടാണോ
കാവല് മേഘങ്ങളെപ്പറ്റി ചോദിക്കുമ്പോള്
കണ്ണീര്തടാകങ്ങളെപ്പറ്റിപ്പറഞ്ഞ്
ഒരു പാരിസ്ഥിതികചക്രമായി
നീ പെയ്തൊഴിയുന്നത്?
മുലപ്പാലും ചോരയും ഒന്ന് :
അതാണോ നമ്മുടെ പുതിയകുരുപ്പുകള്
ചോരകുടിച്ചുവളരുന്ന ഭാവിയിലേക്കുള്ള
രക്തചംക്രമണത്തിന്റെ നീതീകരണം?
ഉയര്ച്ചയും താഴ്ചയും ഒന്ന് :
അതുകൊണ്ടല്ലേ
കച്ചവടചക്രത്തിന്റെ കുണ്ടുകളിലും കുന്നുകളിലും
തൊഴിലില്ലാവയറുകളെ പെറുന്ന
മാതൃരാജ്യത്തിന് നാം അവകാശികളായത് ?
No comments:
Post a Comment